ارخصت حبي ليه
أرخصت حبي ليه ياساكن الروح = بعت الوفا يازين ويلك من الله
كان الهوى يجمعنا جسمين في روح = ياحيف يالغدار تنساه كله
دور على غيري ترى انت مسموح = ماعاد لي في شخص حبه مذله
قلبي وقفلته لوح ٍ على لوح = والفكره اللي جبته ارجوك شله
خبرك تغير والخفي صار مفضوح = هذي نهاية من تنكر لخله
مافادني كثر السهر فيك والنوح = الله يصبر قلب مجروح يالله
اكفني شرك
اكفنى شرك كفى جرح القلوب = رح عسى الله يحرمك لذ المنام
صرت اشوف الغدر مابين الدروب = ياسبب نوحي وحزني والهيام
ابتدينا وانـتهينا يالعوب = لا تحاول تـقنع بحلو الكلام
الله اكبر صرت انا كلي عيوب = عقب قولك معجب انكرت الغرام
اكتويت بحبك ولازم اتوب = لأجل عينك كم تحملت الملام
كل ذكرى منك طيرها الهبوب = حتى لو سلمت لاترد السلام
اتجرع ظلم هجرانك واذوب = المحبه دربها موحش ظلام
شاعت القصه بشمالك والجنوب = معك راح العمر يامسك الختام
الى متى
إلى متى في عالم الحزن والويل = لا متى وانا اتعذب واعاني
قصة حياتي يا حبيبي غرابيل = عشت لذات الفرح والاماني
معجب واحبك موت يا سيد الجيل = من الطفوله كيف تنكر حناني
يا ما تمنيتك معى بآخر الليل = ما تحيرت اللقا يا هنالي
اطلق صراحي ما بقى بي تراحيل = مقدر اطيق الكون بعدك ثواني
الناس تسمر بالفرح والتعاليل = وانا بدنيا الحزن اصارع زماني
ودعـتـMـها ...
تشهد لي القمرا على حب مخلوق = والشمس تثبت لنجوم العوالي
والارض تسمع كل هرج ومنطوق = لو تسألوها علمت وش جرالي
وجبالها نادت على الزين ياشوق = ارحم محبن غربلته الليالي
ومما جرالي وشمسك دايم الدوم بشروق = الشمس عيت ترتحل عن خيالي
كله سبايب بادلن ساقني سوق = خلا حياتي تلف لف المحالي
ودعتهـ
ـا وانا انثر الدمع مدفوق = هي في جنوب وصرت عنها شمالي
وش جاك ياهوا البال
وش جاك منى ياهوى البال وش جاك = وش فيك تقسـى ياعشيـري عليـه
وشلون تبخل ياحبيبـي بـلا مـاك = على وانـا معطيـك عمـري هديـه
ياما سهـرت الليـل كلـه برجـواك = وياما لجل عينـك دمحـت الخطيـه
أحرقتنى يازين بالهجـر وش جـاك = ماترحم اللـي منـك روحـه شقيـه
ماحدا يسوي فـي حبيبـه سوايـاك = ولاحـدا رضـى للـي يـوده اذيـه
